كتير منكم عم يسألوا: 👇

شو يعني استحواذ البتكوين؟ (Bitcoin Dominance) 📱

مثل ما طلبتو اليوم رح فسّرلَكن يعني إيه استحواذ البتكوين وليه هو السبب الرئيسي إنو العملات البديلة مش عم تتحرّك حتى لو السوق باين عليه صاعد 👀

استحواذ البتكوين هو النسبة يلي بتبيّن قديش البتكوين مسيطر على سوق الكريبتو من حيث القيمة السوقية
يعني إذا كانت النسبة مثلاً 60% فهيدا معناتا إنو 60% من السيولة كلها موجودة بالبتكوين والباقي موزّع على كل العملات التانية

وقت بتكون هالنسبة عالية هيدا دليل إنو أغلب المصاري 💸 بالسوق رايحة للبتكوين
وهالشي بيخلي العملات البديلة يا تتجمّد يا تنزل لأن مافي ضخ كفاية فيها
يعني ببساطة السوق مركز على أصل واحد بس

بس إذا بلش الاستحواذ ينزل شوي شوي من 61% → 55% → 50% → 45%
هون نبلّش نشوف حركة قوية بالعملات البديلة لأن السيولة بتصير تتوزع بشكل أوسع

✅ خلاصة الموضوع:
استحواذ البتكوين عالي = العملات البديلة بحالة ركود أو ممكن تهبط

استحواذ نازل = موسم العملات البديلة بلّش 🔥

خلي عينك دايمًا على هالمؤشر لأنه مفتاح فهم السوق الحقيقي 📊#Trump Allows 401(k) Crypto Investing#